|
العيــد
ازعل عليا
لومنــي جرّحنـي
بكرة ايجيك العيد واتسامحني
بكرة ايجيك العيد
وتنسى المواجع مني
ونلقاك لابس جديد
فرحان متهني
واتقولي كل عام وانت احبيّب
وانقولك كل عام وانت غالـي
انا عارفك طبعك حنون وطيب
وديمه سماحك حاطه في بالي
ازعل عليا
لومنــي جرّحنــي
ازعل
وواطي العين
ودير ما تبي في بالك
في كل وقت وحين
انت الزعل موالك
ولما ايجيك العيد
اتروف وتسامحني
وفوق السماح اتزيد
اتقولي سامحني
ازعل عليا لومني جرّحني بكرة ايجيك العيد
واتسامحني
|
