الرئيسية

عاركتك


عاركتك ما فاد اعراك ان غاب امناك يسيل دمعك قدام اعداك

ياما كلمتك والصبر الطيب علمتك لمُت وعاتبت وفهمتك
كفي ابكاك إنتي صيورة نازح ماك

قتلك سيبيه في حاله معادش تطريه قلتي يبيني ونبيه
وخاب رجاك عليك برّم بالظهر عطاك

ما فاد كلام ولاجابك ياعين اخصام عدي الماضي

 كان اوهام وشدي اخطاك على اللي لا دوّر لا جاك

عدي ياعين اللي فات الماضي هللي ليه سنين
كيف من جاه اوليد ومات وصابر كيف اللي صابرين
داري على الناس الدمعـات نص العزايا شامتين
لا نبّـي دمع واهات ولا نقعد في الليل انين
نبّي كيف الناس انبات اللي مالعشقـه مرتاحين
طبع الدنيا عالهيلات أوقات هّم أوقات فرحانين
بعد ملقى تمينا اشتات انتي وين ومحبوبك ويـن
حازنّه اليوم مسافات ولك راهّو من النسايين

اللي كان مصّفي النيات
اليوم جفاك أجديتي وماجاب جداك

زمان كاين سمح الصفات مطاوع ويجيني باللين
وكان غبتي عنه ساعات الهاتف مايبطلش رنين
ياما قمنا فـي الغيات وياما شدك ليه حنين
وياما طولتي النظرات في نظراته مكحول العين
وياما بادلني البسمات نكيدو بيها في الحاسدين
وياما قلنا من كلمات ويامـا شابكنا ليدين
وياما ملقى على الغفلات وحدنا والدنيا راقدين
وياما قضينا ليلات اتعدي الليلة طربانين
ويامـا درنا من حاجات ودرنا في الحب تفانين
وياما انقولوا من يامات يحيروا فيها العدادين
يظلن غير الذكريات ونذكرها من حين لحين
توبي وخلي ها الضلات ويغفر رب العالمين


نتوب نصلي الخمس اوقات ونلهى بروحي انقيم الدين
نبيك تنسي كل اللي فـات
وعــدا افـــداك الماضي هللي في خطـاك

عاركتك ما فاد اعراك ان غـاب مناك يسيل دمعك قدام اعداك